راج سبھا ممبر سندیپ پاٹھک خلاف قانونی شکنجہ، پنجاب دے دو ضلعیاں وچّ وکھ-وکھ FIR درج

سوتراں انوسار پاٹھک خلاف غیر-ضمانتی دھاراواں تحت کیس درج

کجھ دن پہلاں ہی بھاجپا وچّ شامل ہوئے سن سندیپ پاٹھک

بولدا پنجاب
چنڈی گڑھ 2 
چنڈی گڑھ، 2 مئی: پنجاب دی سیاست وچّ وڈا دھماکہ ہویا ہے۔ راج سبھا ممبر سندیپ پاٹھک خلاف پنجاب پولیس نے شکنجہ کسّ دتا ہے۔ سوتراں مطابق، اوہناں خلاف وکھ-وکھ ضلعیاں وچّ دو FIR درج کیتیاں گئیاں ہن، جیہناں وچّ غیر-ضمانتی دھاراواں شامل ہن۔ اجیہے وچّ اوہناں دی گرفتاری دی سمبھاونا تیز ہو گئی ہے اتے سیاسی حلقیاں وچّ سنسنی پھیل گئی ہے۔ اجیہی سوچنا ہے کہ پنجاب پولیس اوہناں نوں کسے وی ویلے گرفتار کر سکدی ہے۔
سوتراں انوسار، ایہناں معاملیاں وچّ گمبھیر دوشاں دی جانچ کیتی جا رہی ہے۔ حالانکہ پولیس ولوں حالے تکّ کوئی ادھکارت بیان ساہمنے نہیں آیا ہے، پر ایہہ طے منیا جا رہا ہے کہ سندیپ پاٹھک دی سنبھاوی گرفتاری پنجاب دی راجنیتی وچّ وڈا بھوچال لیا سکدی ہے۔
ذکر یوگ ہے کہ سندیپ پاٹھک سال 2020 توں پنجاب وچّ عام آدمی پارٹی دے انچارج وجوں سرگرم رہے سن۔ حال ہی وچّ اوہناں نے پارٹی چھڈّ کے بھارتی جنتا پارٹی دا پلہ پھڑ لیا ہے۔ سوتراں دے حوالے نال ایہہ وی جانکاری ساہمنے آ رہی ہے کہ اوہناں 'تے بے حدّ گمبھیر دوش لگے ہن۔ جیکر پولیس جانچ وچّ ایہہ دوش صحیح ثابت ہندے ہن، تاں اوہناں لئی قانونی اتے سیاسی دوواں پدھراں 'تے مشکلاں کھڑھیاں ہو سکدیاں ہن۔ غیر-ضمانتی دھاراواں ہون کرکے اوہناں دی سیاسی راہ وی اوکھی ہو سکدی ہے۔
فلحال، پورے معاملے وچّ ادھکارت پشٹی اتے وسترت جانکاری دی اڈیک ہے، پر ایہہ گھٹناکرم پنجاب ہی نہیں، راشٹری راجنیتی وچّ وی وڈا اثر پاؤن دی سمرتھا رکھدا ہے۔